الشاملة بريس صحيفة ورقية والكترونية مستقلة شاملة
الشاملة بريس-بقلم: الشاعر والكاتب محمد لمليجي فرنسا
يابنادم خليك عادي لاتتكبر
ماتنساش بلي الحال لازم يتغير
اشحال من شجرة عودها تكسر
واشحال من خيول قوية كتتعتر
يا إنسان تواضع واشكر الله وكبًر ولاتغرك نفسك، كون ارزين وفكر
علاش تتباهى وانت ماغديش تعمر
حياتك محسوبة وكولشي مكتوب ومقدر
كيف تتعالى، وتحسب راسك مسيطر
وماترضى تجالس ناس انت عليهم معفر
وما تدير بحساب مسكين، خاطرو مغير
ولا تسلم على ضعيف الحالة، وانت لفوق تَنظرْ
تواضع يا بنادم، لاتعود نادم، وأمرك يتعسر
وعيش مع كفة لخوت، قبل ماتموت امْأترْ
ولاتخلي ريح لغرور يديك، راه يفنيك بلا ماتشعر
اشحال من صحيح أصبح امريض، وماعاد يقدر
واشحال من لسان، بغا يبان وماعاد يهدر
يا ابنادم خفف لخطوات، وسير بتبات، ولا تتجبر
وخليك متواضع، لاتعود ضايع، وتعيا، وماتصبر
لا المال يدوم، ولا الصحة تزيد فالسُوم، كلشي يتبخر
اشحال من قوم راحت وجات
أقوام، ماعادت تظهر
واشحال من واحد تجاهل الناس بلا قياس، ولوجودهم تْنَكر
وظن بلي هو شان ومرشان، وانسى بلي تابعو لقبر
خليك يابنادم متواضع لا تتكبر
راه الحال مايدوم، لازم يتغير
وانظر في الكون بحكمة وتصبر
بلي خالق لكوان هو العظيم المتكبر.
