أخبار عاجلة

الله عليك يادنيا

الشاملة بريس- بقلم: الشاعر والكاتب محمد لمليجي فرنسا

مافيك تيقة يا دنيا من ازمان
راكي كِلعادة ديما غدارة

ما لقيت عندك غير لحزان
حتى ديك ليام كانت خسارة

اشحال من الناس ظنيتهم احنان
لكن نياتهم عافية بشرارة

واشحال من واحد درتو ولدي
وقلت راه يكون معايا ارفيق

خسارة غاب وأطلق من يدي
لي مدتها ليه طول الطريق

وانسى بلي كان عندي بحال ولدي
انا لي فيه ديما كنت. انتيق

واشحال من واحد اعطيتو وعدي بلي راه طول ليام غيكون اصديق

لكن لغدر بان عندو يا ودي
من يومها احلفت عمري ما نتيق

لله يا ليام من الشر لاتزيدي
نتمنى تعطيني الخير لي يليق

بغيت نعرف في حياتي غِلفراح
نتهنى، ونعيش العمر اسعيد

واش مانستاهل انا فيك نرتاح
بغيت كل يوم بعنوان اجديد

ونتلاقى غير مع الناس لملاح
ويعود هنايا لي كان مني بعيد

ولله يا دنيا قربي ليا لي يصلاح
راني مليت لحزان توحشت العيد

وراه العمر يفوت وطاير بجناح
هدا لاش، لازم الإنسان يعيش اسعيد

شاهد أيضاً

من أجل خارطة طريق لهندسة الثقافة بالمغرب

من أجل خارطة طريق لهندسة الثقافة بالمغرب الشاملة بريس بالمغرب وأوروبا- إعداد: عبده حقي المملكة …

مدينة تاونات تحتفي بفنون العيطة الجبلية

  مدينة تاونات تحتفي بفنون العيطة الجبلية أيام 23-24-25 ماي 2024 الشاملة بريس بالمغرب وأوروبا- …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *