الراگد

الشاملة بريس- بقلم؛ الزجال خدرا عبدالحق

الراگد

من ورايا سمعت لعياط.
لكلام فاض وشاط.
ضمتني حملتني هلكتني.
فرشتلي شوووك على ثراب.
فعينيها شفت لعداب .
شحطات شحطات غراب .
برد من الجامد إلا داب.
عشت نشوف .
شفت نگولكوم عوينة خصة .
واد عليه الزحام .
گولت خيرلي الصيام.
بغيت لهنا هنا
ماشي لهنا لهيه
لي دواو عليه.
لهنا والصيام .
نسميهوم ولاد اصبر .
رضعت السكات
حبات من لوقات .
حملتني عدبتني كرهتني .
طلقتني محجل نمشي وزة .
نتعزا ونتعزا فداتي .
وأنت لاش مضيعالي اوقاتي .
لاش تجري
وفصبري تجري .
ياك الصيام ولهنا مواتي.
وبلمداري تدري .
من لكلام حروف.
طلت لحكمة تشوف.
لقات الحلفة تسوات مع الصوف.
تحريكي وحركي
وعلينا دوي
حسبيني سيد والي .
شعلي شمعة تضوي.
تضوي كل ليلة .
ينوض خيال .
يتكلم بالسان المحال .
يسول فينا .
ويشوف فين وصلات السفينة بينا.
سفينتنا سفينة الريح.
قبطانها صحيح.
يختار مسلك لسلكة .
ويتخطا خيوط الشبكة .
ورا السفينة يطل غارق يبكي .
بقا فينا ولدنا كبدتنا .
عليه حنينة .
فهمتو آش تگال .
ولا قلامكم جف وقلال .
ولا سكات مواتينا