الشاملة بريس صحيفة ورقية والكترونية مستقلة شاملة
قصيدة “الصحراء مغربية” للشاعر الوطني محمد لمليجي
الشاملة بريس بالمغرب وأوروبا- بقلم: الشاعر الوطني محمد لمليجي
راه الصحراء مغربية
وغنبقى ديما نقول
هي ارض أجدادي
وهذا كلام المعقول
فيها نعيش انا ولادي
وبحبها راني مهبول
شوفو رمالها يا سيادي
دهبية تجول وتصول
بالصحراء اليوم راني نغني
هي مفخرة هاد المغريب
وكل الشعب بيها معني
ربي يحفظ مليكنا لحبيب
محمد السادس وني بيه وني
حبو في قلوبنا ديما قريب
هو حامي لبلاد وعلى الصحرا مهني
وبالحكمة ديالو يتصدى لكل اصعيب
واليوم كل الدول اعترفات
بلي الصحراء رآها مغربية
وهاهي فرنسا اليوم اكدات
وضافت صوتها للبلدان الاروبية
وكلمة ماكرون في لعلالي تسمعات
ودشن في الداخلة احسن قنصلية
فرحي يا الصحرا هيبتك رجعات
انت أرض العز يا الشريفة العلوية
وعلاقتنا بالفرنسيين توطدات
وهكذا تحقات لمغاربة احسن أمنية
راه الصحراء مغربية وغتبقى ديما مغربية
وربي يحفظ لينا ملكنا وبلادنا من كل شر ومن كل أذية
بقلم الشاعر الوطني محمد لمليجي من فرنسا
