الشاملة بريس صحيفة ورقية والكترونية مستقلة شاملة
الشاملة بريس- بقلم: الشاعر محمد لمليجي
سيدي سليمان يا مدينتي
يا نوارة بين لمدون
في روحي و قلبي راكي سكنتي
و محبتكي خلاتني ديما مجنون
لا تقولي يا مدينتي راني نسيتك
ماتجيك لا في الظن ولا في البال
يا سيدي سليمان شحال نبغيك
و ننساك هدا أمر كتير محال
و رغم الغربة يا بلادي راني نهديك
سلامي ونسول عليك ونسال
كوني هانيا يا قبيلتي ولاد احميد
راه لبعاد عليك ما يفرقنا
مايمكن نكون إنسان سعيد
حتى نعانق ناسك وربي يجمعنا
راه الغربة واعرة و صعبية
ولاكن ما لقيت عليها خيار
راني عازم يا قبيلتي لحبيبة
نكمل عمري فيك يلا شاءت لقدار
مغربي أنا نقولها و تسمعني لطيار
سيدي سليمان بلاد الهمة و الخير
بأمجادها الشامخة و تاريخها لكبير
والله يحفضك يا قبيلتي يا أحسن نعمة
يا أرض جدادي وفيك ولادي يعيشو تما
