الشاملة بريس صحيفة ورقية والكترونية مستقلة شاملة
الشاملة بريس: بقلم: البوهالي عروب شاعر و زجال 
أم ليتاما
كان عكازها و عوالها
مات و خلاها
من بعدو لا من رعاها
هي ام ليتاما
حالتها ما هي كذابا
حر جوع عليها علاما
من غير خاطرها
لمن والى تمد يديها
حياني … لفقر و ما دار فيها
تمشي و لخطوا مثقالا
ذبلت لخدود
و ذيك لحمورا رجعات صفورا
شعرة من شعرها تعرات
سبنية قصيفة
راسها ما غطات
لباسها ما هو لباس
منو يتقزز بعض الناس
و حتى شي من البشر
بلحكرا ليها يقهر
ما يدعيو بخير
ما يطلبو الله يحد لباس
صدفة و جات عيني في عينيها
خطفت رجلي مشيت نواسيها
حركت يميني
و لي في جيبي عطيتو ليها
ربي يعين كل ولية مرزية
و يغنيها على لعطيا
مكناس 26 . 06 .2022
